Па выніках раённага конкурсу прафесійнага майстэрства механізатараў “Араты-2018” у катэгорыі “Агрэгаты ў складзе энерганасычаных трактараў звыш 250 к.с.”  1-е месца падзялілі механізатары Андрэй Арэх з СВК “Гігант” і Мікалай Юшкевіч з філіяла “Харчавік-Агра” ААТ “Чырвоны харчавік”, 3-га ўдастоены механізатар ААТ “Неўскі-Агра” Аляксандр Кушавараў. 2-е месца засталося без уладальніка.

У катэгорыі “Агрэгаты ў складзе трактараў “Беларус-1221” да 150 к.с.” найбольшага майстэрства ў пракладанні барознаў дасягнуў Міхаіл Чарноў з “Гіганта”. 2-е  месца прысуджана Івану Канавалаву з ААТ “Міхалёўская Ніва”, 3-е — механізатару “Харчавіка-Агра” Паўлу Юшкевічу.

Мерапрыемства, удзел у якім прыняў і саветнік старшыні Магілёўскага аблвыканкама Барыс Клешчукевіч,  было арганізавана пры ўдзеле філіяла “Харчавік-Агра”. У склад судзейскай калегіі, якую ўзначаліла начальнік вытворчага аддзела ўпраўлення сельскай гаспадаркі і харчавання райвыканкама Жана Жукоўская, увашлі спецыялісты райсельгасхарчу і галоўныя спецыялісты сельгасарганізацый. Кожны з канкурсантаў атрымаў падарунак ад райкама прафсаюза работнікаў АПК — прадуктовыя наборы бабруйскіх прадпрыемстваў-перапрацоўшчыкаў сельгаспрадукцыі: ААТ “Харчавік-Агра”, ВУП “Бабруйскмалако”, ААТ “Бабруйскі камбінат хлебапрадуктаў”, а пераможцы яшчэ вымпелы і лісты ўдзячнасці ад райкама прафсаюза і райвыканкама.

Падрабязнасці — у бліжэйшым нумары “раёнкі”.

Тэкст і фота Алены КАРПЕНКІ.