Дзень абароны дзяцей: адкрыты дыялог спецыялістаў з бацькамі
Мерапрыемства ў межах міжведамаснай прафілактычнай акцыі “Шчаслівае дзяцінства” прайшло ў Бабруйскім райвыканкаме.
Мэтай адкрытага дыялогу, удзел у якім прынялі члены камісіі па справах непаўналетніх райвыканкама, псіхолагі і медыкі Бабруйскай гарадской паліклінікі №2, Бабруйскага наркадыспансера і бацькі, чые дзеці маюць патрэбу ў сацыяльнай абароне, было імкненне данесці да апошніх, што сям’я — галоўная каштоўнасць у жыцці чалавека і той “падмурак”, які напрамую ўплывае на далейшае жыццё маленькага чалавека, з’яўляецца вызначальным у яго лёсе.
“Калі ў сям’і не ўсё благанадзейна, то, як правіла, і ў дзяцей маюцца праблемы”, — заўважыла, адкрываючы дыялог, намеснік старшыні камісіі па справах непаўналетніх райвыканкама Наталля Праташчык. Яна ж завастрыла ўвагу бацькоў на набліжэнні летніх канікулаў у школьнікаў і той значнай адказнасці, якая ляжыць на дарослых па арганізацыі бяспечнага вольнага часу непаўналетніх. Пры гэтым кожны з бацькоў не толькі ў вуснай, але і пісьмовай форме пацвердзіў альбо ўдасканаліў папярэдне заяўленыя планы адносна дзіцячай занятасці летам.
Аб якіх правілах паводзін трэба, не стамляючыся, нагадваць хлопчыкам і дзяўчынкам, каб захаваць іх здароўе і жыццё, праінфармаваў прысутных загадчык тэрапеўтычнага аддзялення БГП №2 Андрэй Сярогін. Тое ж катанне на скейце, па словах урача, можа стаць небяспечным, калі дзеці не будуць прытрымлівацца адпаведных правілаў.
Псіхолаг установы Святлана Цішкова ў даходнай форме распавяла, чаму загадны тон у размове з падлеткам не прыносіць пажаданага выніку і чаму дзейснай формай узаемадзеяння ў гэтым выпадку можа быць толькі даверлівая размова. Спецыяліст адказала на іншыя пытанні дарослых і патлумачыла, чаму не варта цурацца наведвання псіхолага.
Асаблівая ўвага падчас дыялогу была звернута на пагрозу, якую нясе незагартаванаму дзіцячаму арганізму ўжыванне алкагольных напояў, у тым ліку піва. Праблема апошняга, як адзначыла ўрач-нарколаг Людміла Рогава, асабліва небяспечная, бо не ўспрымаецца моладдзю ўсур’ёз (у пацверджанне быў прадэманстраваны відэаролік). Пры гэтым найлепшы спосаб папярэдзіць алкагалізм непаўналетніх, па словах доктара, — дарослым самім не ўжываць спіртныя напоі і пазбягаць ужывання алкаголю падчас сямейных урачыстасцяў.
Алена КАРПЕНКА.