«Энергамарафон» удаўся | Трыбуна працы

«Энергамарафон» удаўся

Дыпломам 3-й ступені ўзнагароджана навучэнка 3-га класа Міхалёўскага ВПК «Дзіцячы сад-СШ» Таццяна Тарасенка за паспяховы ўдзел у абласным этапе рэс­публіканскага конкурсу праектаў па эканоміі і беражлівасці «Энергамарафон» у намінацыі «Мастацкая работа па прапагандзе эфектыўнага і рацыянальнага выкарыстання энергарэсурсаў».

Вынікі конкурсу былі падведзены ў мінулым месяцы. Урачыстая цырымонія ўзнагароджвання прайшла 28 студзеня ў Магілёўскім абласным інстытуце развіцця адукацыі. Да конкурсу нашую зямлячку рыхтавала кіраўнік аб’яднання па інтарэсах Цэнтра творчасці раёна Ю.Г. Шумская. Усяго ў абласным «Энергамарафоне» прынялі ўдзел чацвёра раённых школьнікаў.

Алена КАРПЕНКА. Фота са школьнага архіву.

Добавить комментарий

Ваш e-mail не будет опубликован.