Віншаванні і падзяка за працу | Трыбуна працы

Віншаванні і падзяка за працу

85-ты дзень нараджэння адзначыла ў нядзелю, напярэдадні Дня працы, паважаная ў раёне жанчына, Герой Сацыялістычнай працы Александрына Рыгораўна Сакун.

Павіншаваць юбілярку з гэтай нагоды, пажа­даць ёй моцнага здароўя, дабрабыту, цеп­лыні і ўвагі родных, а разам з тым выказаць шчырыя словы падзякі за сумленную працу на карысць Радзіме (дзяржаўнай узнагароды на той час 26-гадовая даярка калгаса “Перамога” была ўдастоена ў 1958 годзе за высокія вытворчыя паказчыкі), да Александрыны Рыгораўны ў в. Забалацце з кветкамі і падарункамі наведаліся прадстаўнікі грамадскіх арганізацый — кіраўнік раённай ветэранскай арганізацыі Яўгенія Доўнар, старшыні раённага аб’яднання прафсаюзаў і райкама прафсаюза работнікаў АПК Людміла Крычко і Сяргей Феднеў.

Згадваючы пра маладосць, надзвычай цяжкую, але пачэсную працу ў сельскай гаспадарцы, юбілярка з удзячнасцю гаварыла пра цяперашняе сваё жыццё, пра клопат і ўвагу да яе з боку дзяржавы. Госці ж пажадалі, каб у коле родных шаноўная імянінніца сустрэла яшчэ не адзін дзень нараджэння.

Зрэшты, Александрына Рыгораўна Сакун у 1957 годзе была ўзнагароджана медалём “За доб­лесную працу”, сярэбраным медалём ВДНГ СССР, з 1961 да 1966 г. з’яўлялася дэпутатам Вярхоўнага Савета БССР.

Алены КАРПЕНКА. Фота аўтара.

Добавить комментарий

Ваш e-mail не будет опубликован.