Пачаўся пажаранебяспечны перыяд, падчас якога сапраўдным экалагічным бедствам з’яўляюцца веснавыя палы. Дагэтуль многія не веда­юць, а некаторыя проста грэбуюць тым, што выпальванне сухой расліннасці знішчае пладароддзе глебы, парушае натуральную прыродную раўнавагу. Акрамя таго, у час пажараў у атмасферу вылучаецца вялікая колькасць дыму, а спальванне разам з сухой расліннасцю смецця, такога як пластык, з’яўляецца прамой крыніцай пападання ў паветра таксічных забруджвальнікаў, асабліва небяспечных для нашага здароўя.
І што асабліва прыкра — падчас выпальвання сухой расліннасці гінуць людзі.

Вядома ж, зацікаўленыя службы прадпрымаюць усе магчымыя меры, каб папярэдзіць новыя палы: праводзячы рэйды, дано­сяць да тых, хто яшчэ не ведае, і тых, хто адносіцца да праблемы безуважліва — незнарок або наўмысна падпальвае сухую траву, — што падобныя дзеянні могуць прывесці да бяды і ўжо абавязкова да матэрыяльных страт у выглядзе штрафаў.
Адзін з такіх рэйдаў — па населеных пунктах Сычкаўскага сельсавета, прайшоў у чацвер на гэтым тыдні. Яго ўдзельнікамі сталі работнікі БГРА НС — старшы інспектар групы прапаганды і ўзаемадзеяння з грамадскасцю

6 красавіка на прысядзібным надзеле паблізу в. Колтава Мсціслаўскага раёна, за 150 метраў ад дома, знойдзены труп пенсіянеркі, 1931 г. н. Навокал, на плошчы 0,05 га, была абгарэлая трава. Мяркуецца, што прычынай пажару стала выпальванне сухой расліннасці.

Д. Сказаў, інспектар інспекцыі нагляду і прафілактыкі А. Сафронаў, а таксама галоўны спецыяліст Баб­руйскай гарадской і раённай інспекцыі прыродных рэсурсаў і аховы навакольнага асяроддзя
У. Юшкевіч, вядучы дзяржаўны інжынер-інспектар раённай інспекцыі дзяржтэхнагляду А. Лазаковіч, памочнік урача-гігіеніста аддзялення камунальнай гігіены БЗЦГіЭ Т. Трышкіна і старшыня сельсавета З. Трубачка. Удзельнікі рэйдавай групы, кожны са свайго боку, кіруючыся нормамі заканадаўства, даводзілі вяскоўцам, як абыходзіцца са смеццем, як правільна сябе паво­дзіць, каб не дапусціць палаў расліннасці, і што пагражае парушальнікам заканадаўства.

Праблема палаў характэрна і для Бабруйшчыны. З пачатку вясны ратавальнікі гаррайаддзела па НС амаль кожныя выхадныя па некалькі разоў на суткі выязджаюць на гарэнне травы. Да прыкладу, 26-27 сакавіка па гэтай прычыне выязджалі 8 разоў, у тым ліку 6 — на тэрыторыю раёна.

Да прыкладу, у двары маладой сям’і Паўленкаў з в. Сычкава
ўдзельнікі рэйда звярнулі ўвагу на сабранае ў адным месцы смецце. Гаспадар патлумачыў, што апошняе прыгатавана для вывазу камунальшчыкамі. Па меркаваннях маладога чалавека, гэта найлепшы спосаб пазбаўлення ад непатрэбнага. Спальванне смецця хоць і дапускаецца, але ў іх сям’і не практыкуецца — занадта рызыкова. Жыхарцы гэтай жа вёскі
М.У. Карымавай, акрамя іншага, былі дадзены рэкамендацыі, якіх нормаў прытрымлівацца, плануючы на ўчастку лазню, каб апошняя адпавядала супрацьпажарнай бяс­пецы і санітарным нормам. Суседка праз дом, Л.А. Васільева, праводзячы рэйдавую групу па дагледжаным падворку, прадэманстравала веданне таго, што спальваць сухую траву нельга, расказала і паказала, як іх сям’я пазбаўляецца ад смецця. А вось днямі прывезены і складзіраваны на вуліцы ля дома пясок гаспадыні было ўказана перамясціць на падворак. Згодна санітарных правілаў, як было адзначана, складзіраваць на вуліцы торф, пясок, будматэрыялы можна не болей трох дзён. Муж і жонка Мурашовы з в. Калініна распавялі, што смецце ў іх два разы на месяц, у адпаведнасці з дагаворам, забіраюць камунальныя службы. Нараканні на іх работу ў гаспадароў адсутнічаюць.
Работнікі МНС нагадалі вяскоўцам, што парушэнне правілаў спальвання смецця і дапушчэнне выпальвання сухой расліннасці караецца законам.

Толькі ў мінулым годзе ў экасістэмах краіны адбылося больш за 8 000 пажараў на агульнай плошчы 8758,4 га. Ратавальнікамі Беларусі ліквідавана 1019 лясных пажараў, 967 узгаранняў тарфянікаў, зафіксавана 6140 выпадкаў гарэння травы.

Алена КАРПЕНКА.
Фота аўтара.